Есірткі сатқан полицейлер ұсталар сәтте қарсылық көрсеткен
Жамбыл облысында есірткі сатушылар анықталып, кейін олардың полицей екені белгілі болды. ҚР ІІМ баспасөз қызметі хабарлағандай, қылмыскерлерді ұстау үшін арнайы операция ұйымдастырылды.
Алматы, NEGE. Шу — Тараз тас жолында құрықтау барысында күдіктілер қарсылық танытқан. Toyota Land Cruiser 80 мінген олар арнайы жасақ қызметкерін қағып, қаша жөнеледі. Көлікті тоқтату үшін полицейлер қару қолданды. Оқиға орнында түсірілген фотосуреттен жол талғамайтын көліктің аударылғанын көруге болады, деп жазады kolesa.kz. Үш күдіктінің екеуі оққа үшып, бірі ауруханада көз жұмған, екіншісі стационарда жатыр. Ал үшіншісі изоляторға қамалды. Жарақат алған арнайы жасақ қызметкері ауруханада ем қабылдауда. Бұл іске қатысты Қылмыстық кодекстің 297, 345, 362-баптары бойынша тергеу жұмыстары басталды.