Есілге секірген келіншекті полицейлер құтқарып қалды
Елордалық полицейлердің қырағылығы біраз жұртты тәнті етуде.
Алматы, NEGE. Әлеуметтік желіде көпірден секірген жүкті әйелді полицейлердің құтқарып алған видеосы кең тарап кетті. Оқиға 3 қазан күні, түскі 12 шамасында Нұр-Сұлтан қаласында болған.
Көпір үстінде суға қарап тұрған келіншектің ерсі әрекетін байқаған полиция қызметкері әріптестеріне байланысқа шығып, оқиғаны баяндайды. Артынша құтқарып алуға қажетті бұйымдарды сұрайды. Есіл өзеніне секірген келіншекті полиция құтқарып қалды. Кейіннен оның жүкті екені белгілі болды.
