Ержан Ашықбаев Байденмен кездесті
2022 жылғы 4 сәуірде Ақ үйде өткен протоколдық іс-шара барысында Қазақстанның АҚШ-тағы Елшісі Ержан Ашықбаев АҚШ Президенті Джозеф Байденмен қысқаша сұхбат өткізді.
Алматы, NEGE. ҚР Сыртқы істер министрлігі баспасөз қызметінің хабарлауынша, кездесу барысында қазақстандық дипломат ҚР Президенті Қасым-Жомарт Тоқаевтың ілтипат лебізін жеткізіп, Қазақстан мен АҚШ арасындағы Кеңейтілген стратегиялық әріптестікті ілгерілетуге бейілділігін атап өтті.
Өз кезегінде, АҚШ басшысы екіжақты және аймақтық күн тәртібіндегі өзекті мәселелер бойынша екі ел арасындағы сындарлы серіктестіктің жалғасуын оң қабылдайтынын хабарлады.
