Ертіс өзені ерекше қорғалатын аумаққа айналуы мүмкін
Ертіс өзенінің алқабына ерекше қорғалатын аумақ статусы берілуі мүмкін, деп хабарлады экология, геология және табиғи ресурстар министрлігінің баспасөз қызметі.
Алматы, NEGE. «Бүгінгі таңда Қазақстан аумағының шамамен 9% ерекше қорғалатын табиғи аумақ мәртебесіне ие. БҰҰ мен басқа да халықаралық ұйымдардың ұсынысы бойынша бұл көрсеткішті 10 жыл ішінде 12%-ке дейін арттыру керек. Ал Ертіс өзенінің алқабы осындай аумақ тізіміне енуі мүмкін», - деп хабарлады жұма күні Павлодар қаласының жұртшылығымен кездесуде ҚР экология, геология және табиғи ресурстар министрі Мағзұм Мырзағалиев.
Ол нақтылағандай, Ертіс өзенінің алқабына мәртебе беру үшін бұрын аяқталмаған техникалық-экономмкалық негіздеме пысықталып жатыр.
