Ертеңге арналған ауа райы
Сенбі күні Нұр-Сұлтан мен үш облыста бұрқасын күтіледі, деп хабарлады «Қазгидромет» РМК баспасөз қызметінен.
Алматы, NEGE. «Нұр-Сұлтан қ.: 21 желтоқсанда бұрқасын, жел оңтүстік-батыстан 15-20 м/с сақталады. Дауылды ескертудің ықтималдығы 85-90%», – делінген жұмада таратылған дауылды ескертуде.
Ақмола облысында түнде кей жерлерінде қатты қар жауады, тұман, бұрқасын күтіледі. Оңтүстік-батыстан, оңтүстіктен жел соғады, кей жерлерде күші 15-20, түнде екпіні 23 м/с. Көкшетау қ.: 21 желтоқсанда бұрқасын, тұман күтіледі. Оңтүстік-батыстан, оңтүстіктен жел соғады түнде екпіні 15 м/с. Дауылды ескертудің ықтималдығы 85-90%.
«21 желтоқсанда Қостанай облысында кей жерлерде қар жауады, түнде кей жерлерде қалың қар жауады. Кей жерлерде бұрқасын, тұман, көктайғақ. Солтүстік батыстан кей жерлерде 15-20, екпіні 23 м/с жел тұрады. Қостанайда 21 желтоқсанда қар күтіледі, бұрқасын соғады, солтүстік батыстан екпіні 15-20 м/с жел тұрады», – делінген хабарда.
Дауылды ескертудің ықтималдығы 90-95%.
«Қызылорда облысының кей жерлерінде тұман, көктайғақ сақталады, бұрқасын күтіледі. Жел оңтүстік-батыстан соғады, түнде кей жерлерде 15-20 м/с, күндіз облыстың басым бөлігінде 15-20, кей жерлерінде 25 м/с сақталады. Дауылды ескертудің ықтималдығы 95-100%», – деді синоптиктер.