Ертең Алматыда митинг өтеді
Алматы әкімдігі елде әкімдерді сайлауды енгізуді талап еткен белсенділерге митинг өткізуге рұқсат берді. Бұл туралы белсенді Марат Тұрымбетов Facebook-парақшасында мәлімдеді.
Алматы, NEGE. Жиын 5 ақпанда сағат 12.00-ден сағат 14.00-ге дейін Шоқан Уәлиханов ескерткіші маңында өтеді. Белсенділер талабы бойынша, Алматы қаласының әкімін халық таңдауы керек.
Бұл жиынды өткізуге қала әкімдігі рұқсат берді, деді Қоғамдық даму басқармасы басшысының орынбасары Айдар Есенбеков.
Белсенді Марат Тұрымбетов бұдан бір күн бұрын Алматы әкімдігі "Qantar 2022" аза тұту митингісін өткізуге рұқсат бермегенін де айтты. Олар митингіні 13 ақпанды өткізгісі келген. Митинг өткізуге рұқсат бермеудің ресми себебі - қаладағы эпидемиологиялық жағдай.