Ермек Көшербаев ҚР Премьер-Министрінің орынбасары қызметіне тағайындалды
Бұл туралы Ақорданың баспасөз қызметі хабарлады.
Астана, NEGE. «Мемлекет басшысының Жарлығымен Ермек Беделбайұлы Көшербаев Қазақстан Республикасы Премьер-Министрінің орынбасары болып тағайындалды, ол бұрынғы атқарған лауазымынан босатылды», – делінген хабарламада.
Ол Шығыс Қазақстан облысының әкімі қызметінен босатылды. Ермек Көшербаев бұл қызметке 2023 жылдың 16 маусымында тағайындалған.
Бұған дейін Мемлекет басшысының Жарлығымен Тамара Босымбекқызы Дүйсенованың Қазақстан Республикасы Президентінің көмекшісі болып тағайындалғанын хабарлаған болатынбыз.