Ерлан Қожағапанов: Әйелдер ренжімесін, сарымсақ пен пияз жеп жүрмін
Алматы қаласы әкімінің бірінші орынбасары Ерлан Қожағапанов мегаполистегі карантинге байланысты шектеу шаралары туралы айтып берді.
Алматы, NEGE. "Бұл жағдай біздің ғана емес, бүкіл әлемнің басына түсіп отыр. Өкінішке қарай, қаншама азаматымыз осындай жағдайды біле тұра шетелге қыдыруға кетіп қалған. Шетел тұрмақ, қалаға шығудың өзі қауіпті" деді Ерлан Қожағапанов.
Сондай-ақ, ол вирустан қалай қорғанудың қарапайым әдісін айта кетті. "Әйелдер ренжімесін, мен күн сайын сарымсақ, пияз жеп, С дәруменін ішіп жүрмін. Бұдан бөлек ұйқыны қандыру керек. Бұл иммунитеттің көтерілуіне көмектеседі. Таза ауа көбірек жұтып, жылы су көп ішу тиіс. Ең басты адамды қорғайтын нәрсе - үйде тыныш отыру ғана" деді әкім орынбасары.