Ерлан Сәрсембаев Әділет министрі лауазымына тағайындалды
Бұл туралы Ақорданың баспасөз қызметі хабарлады.
Астана, NEGE. – Мемлекет басшысының Жарлығымен Ерлан Жақсылықұлы Сәрсембаев Қазақстан Республикасының Әділет министрі лауазымына тағайындалды, – делінген хабарламада.
Сәрсембаев Ерлан Жақсылықұлы 1975 жылы Алматы облысы Талғар ауданы Октябрь ауылында дүниеге келген.
Алматы энергетика және байланыс институтын "Радиоинженер" мамандығы бойынша (1997), Д.А. Қонаев атындағы Гуманитарлық университетін "Заңгер" мамандығы бойынша бітірген (2000).
Қазақстан Республикасы Конституциялық Сотының судьясы (01.01.2023 ж. бастап).
«Ерен еңбегі үшін», «Үздік мемлекеттік қызметші» төсбелгісімен және бірқатар мерекелік медельдармен, сондай-ақ Жоғарғы Соттың, ҰҚК, Қорғаныс министрлігінің, ТЖМ-нің ведомствалық наградаларымен марапатталды.
Ал бұл қызметті оған дейін атқарған Азамат Есқараев Әділет министрі лауазымынан босатылды.
