Ерлан Нұрпейісов Төтенше жағдайлар вице-министрі қызметінен босатылды
Бұл туралы Үкіметтің баспасөз қызметі хабарлады.
Алматы, NEGE. Қазақстан Республикасы Үкіметінің қаулысымен Ерлан Нұрпейісов Төтенше жағдайлар министрінің орынбасары қызметінен босатылды.
53 жастағы Ерлан Нұрпейісов Шығыс Қазақстан облысының тумасы, Қазақстан Республикасы Ішкі істер министрлігінің Алматы техникалық институтын тәмамдаған. Еңбек жолын 1992 жылы ІІБ өрт сөндіру бөлімінде өртке қарсы дайындық және өрт сөндіру қызметінің инженері болып бастаған.
