Ерлан Қарин: Былтыр 1,2 триллион теңгеге 169 өндіріс іске қосылды
Бүгін Елордада Ұлттық құрылтай жиыны өтіп жатыр.
Ұлттық құрылтай төрағасының орынбасары – Мемлекеттік кеңесші Ерлан Қарин Ұлттық құрылтайдың биылғы қызметінің негізгі бағыттары Президенттің қаңтар айында «Ana tili» газетіне берген сұхбатында және Үкіметтің кеңейтілген отырысында сөйлеген сөзінде айқындалғанын айтты.
Мемлекеттік кеңесші жүргізіліп жатқан реформалардың маңызын атап өтті.
«Былтырдың өзінде жалпы құны 1,2 триллион теңге болатын 169 өндіріс іске қосылып, 14 мыңнан астам жаңа жұмыс орны ашылды. 7 мың шақырым инженерлік-коммуникация желісі, 12 мың шақырым жол қолданысқа берілді. Жүзден аса мектеп салынды. Ғалымдардың, мұғалімдердің, жұмысшы мамандықтардың мәртебесі артып келе жатыр.
Осының бәрі мемлекет пен қоғам арасындағы сындарлы диалогтың арқасында, сіздердің еңбектеріңіздің арқасында», - деді Ерлан Қарин.