Еркін күрестен Камиль Куруглиев U20 Әлем чемпионатының күміс жүлдегері атанды
Қазақстандық еркін күрес шебері Камиль Куруглиев Самоковта (Болгария) өтіп жатқан U20 санатындағы әлем чемпионатының финалында жеңіліп қалды.
Алматы, NEGE. Отандасымыз 92 келіге дейінгі салмақ дәрежесінде финалға дейін жетіп, шешуші белдесуде өзбекстандық Шерзод Поеновпен өзара мықтыны анықтады.
Тартысты өткен белдесу қарсыластың пайдасына аяқталды. Поенов 3:2 есебімен жеңіске жетті.
Айта кетейік, Қазақстан құрамасының қоржынында қазір бес медаль бар. Бұған дейін Едіге Қасымбек (125 келіге дейін) алтын иеленсе, Нұрданат Айтанов (57 келіге дейін), Досжан Құл-Ғайып (74 келіге дейін) және Самир Дурсунов (97 келіге дейін) әлем чемпионатын қола жүлдемен аяқтады.
Қазір оқып жатыр
Маңғыстаудағы төтенше жағдай: Үкіметтік комиссия мүшелері не айтылды?
Қаза болған әскери қызметшілерге көңіл айту жеделхаттары келіп жатыр
Каспийдегі оқу-жаттығудан кейін аман қалып, ауруханаға түскен сарбаздың жағдайы белгілі болды
Қаза болған әскери қызметшілердің отбасыларына көмек жинайтын бірыңғай қор белгіленді
