Еркін күрестен Азамат Дәулетбеков пен Асылжан Есенгелді әлем чемпионатының жартылай финалына жолдама алу үшін белдеседі
Еркін күрестен Қазақстан құрамасының тағы екі өкілі Загребте (Хорватия) өтіп жатқан әлем чемпионатының ширек финалына шықты.
Алматы, NEGE. 86 келіге дейінгі салмақта Азамат Дәулетбеков 1/8 финалда Беларусь балуаны Магамедхабиб Кажымагомедовты жеңді. Жартылай финалға шығу үшін Франция өкілі Рахим Магамадовпен өзара мықтыны анықтайды.
61 келіге дейінгі салмақта Асылжан Есенгелді аустралиялық Георгий Окороковты қапы қалдырды. Енді ол ширек финалда ресейлік Завур Угуевпен кездеседі.
Айта кетейік, 70 келіге дейінгі салмақта Нұрқожа Қайпанов та 1/4 финалға шыққан. Оның қарсыласы - Мексика балуаны Остин Гомес.
