Еркін күрестен Юсуп Батырмурзаев Олимпиада ойындарында жеңіліп қалды
Қазақстандық балуан Юсуп Батырмурзаев Токио Олимпиадасын сәтсіз бастады, деп хабарлайды Olympic.kz.
Алматы, NEGE. Аса ауыр салмақ бойынша сынға түскен ол алғашқы айналымда германиялық Геннадий Чудиновичтен жеңілді. Отандасымыз Юсуп Батырмурзаев әдіс жасап, 8 ұпай еншіледі. Алайда, германиялық Геннадий Чудинович қарсы әдіспен таза жеңіске жетіп, уақытынан бұрын қазақстандық балуанды ұтты.
Айта кетерлігі, күрес ережесі бойынша Геннадий Чудинович (Германия) финалға шыққан жағдайда, қазақстандық Юсуп Батырмурзаев жұбаныш белдесуінде күресуге мүмкіндік алады.
