Дүние
Ердоған емделіп шықты
Коронавирус инфекциясын жұқтырғаннан кейін оқшауланған Түркия президенті Режеп Тайып Ердоғанның COVID-19-ға тапсырған сынамасы теріс нәтиже көрсетті.
Алматы, NEGE. Бұл туралы Түркия көшбасшысының емдеуші дәрігері, профессор Серкан Топалоғлы мәлімдеді.
«Соңғы екі күнде тапсырған ПТР-сынама теріс нәтиже берді», – деді ол.
Дәрігердің айтуынша, мемлекет басшысы ертең жұмысқа оралуы мүмкін.
«Менің ойымша, жақын арада, тіпті ертең президент әдеттегі жұмыс уақытына оралады», – делінген хабарламада.
Ердоғанға коронавирус диагнозы қойылғаны 5 ақпанда белгілі болды. Ол аурудың жеңіл белгілері басталғаннан кейін жұбайымен COVID-19-ға сынама тапсырып, тест оң нәтиже бергенін айтты.