Эпидахуал: ел бойынша 57 стационар жабылды
Елде эпидемиологиялық ахуал тұрақталып келеді. Соңғы екі аптада коронавирус жұқтыру көрсеткіші 36 процентке азайған.
Алматы, NEGE. Осы кезге дейін ел бойынша 57 стационар жабылды. Бірінші тамыздан бері инфекциялық орындар 56-дан 33 процентке, реанимациялық төсек саны 45-тен 32 процентке қысқарған. Мұны Үкімет отырысында денсаулық сақтау министрі Алексей Цой айтты. Жиында Премьер-министр Асқар Мамин вакциналауды үдете түсу керек деді. Себебі, жалпы ахуал оңалып келе жатқанымен әлі де қызыл аймақта тұрған өңірлер бар. Тек Түркістан, Жамбыл, Қызылорда, Маңғыстау облыстары ғана жасыл аймақ санатында.