ЕО министрлері Ирандағы шиеленісті талқылауға жиналады
Дүйсенбі күні Брюссель қаласында Еуропалық Одақтың Сыртқы істер кеңесінің кезекті отырысы өтеді. Жиын барысында ЕО-ға мүше елдердің сыртқы істер министрлері Ирандағы жағдайды және өңірлік қауіпсіздікті жан-жақты талқылайды.
АЛМАТЫ, NEGE. ЕО-ның сыртқы істер және қауіпсіздік саясаты жөніндегі жаңа жоғары өкілі Кая Каллас жексенбі күні мәлімдеме жасап, Иранға қатысты алаңдаушылығын білдірді.
– Иранның ядролық қару жасауына жол беруге болмайды. Бұл – халықаралық қауіпсіздікке тікелей қатер. Біз барлық тараптарды сабырға келіп, келіссөздер үстеліне қайта отыруға шақырамыз. Қақтығыстың ушығуына жол берілмеуі тиіс, – деді Каллас.
Оның айтуынша, Ирандағы шиеленіс пен ядролық бағдарлама төңірегіндегі ахуал Еуроодақ министрлерінің басты назарында болады.
