Энрике Иглесиасқа Қазақстанда жанкүйерлерін сүюге рұқсат етіле ме?
Әйгілі испан әншісі Энрике Иглесиас 3 қыркүйекте Астанадағы «Астана Аренада», ал 5 қыркүйекте Алматыдағы Орталық стадионда концерт береді.
Астана, NEGE. Журналистер Мәжіліс кулуарында мәдениет вице-министрі Қанат Ысқақовқа Энрике Иглесиастың шоуына қатысты сұрақ қойды. Әнші концертінде жанкүйер қыздардың бірін сахнаға шақырып алып, онымен сүйісетін әдеті бар. Осы орайда журналистер вице-министрден «Қазақстанда бұған рұқсат етіле ме?» деп сұрады.
«Шынымды айтсам, мен Энрике Иглесиастың шығармашылығын бақыламаймын, сондықтан айта алмаймын. Бірақ міндетті түрде біздің заңнаманы бұзатын әрекеттер болмауы үшін әріптестерімізбен сөйлесеміз. Сонымен қатар бұл біздің дәстүріміз бен мәдениетімізге жат», – деді ол.
Сондай-ақ, Ысқақов әртістер Қазақстанда қабылданған этикалық және моральдық нормаларды сақтауы керек екенін ескертіп өтті.