Жаңалықтар 01:45, 18 Қазан 2025

Жанармай бағасы 16 қазан деңгейінде бекітілді

Энергетика министрлігі автожанармай құю бекеттеріндегі жанар-жағармай бағасына енгізілген уақытша мораторийдің тәртібін түсіндірді. Бұл шара ішкі нарықты тұрақтандыру және тұтынушылардың мүддесін қорғау мақсатында қабылданған.

Алматы, NEGE. Мораторийдің негізгі шарты – АИ-92 бензині мен дизель отынының бағасын 2025 жылғы 16 қазандағы деңгейде сақтау. Ел бойынша бірыңғай шекті баға белгіленбейді. Мұндай тәсіл нарықтағы бәсекелестікті сақтауға мүмкіндік береді.

Қазір ірі бекеттерде АИ-92 бензині литріне 213–239 теңге, ал дизель отыны 317–337 теңге аралығында сатылуда.

Елімізде жанармай қоры 3–4 аптаға жеткілікті деңгейде және тұрақты толықтырылып отырады. Қазіргі таңда АИ-92 бензинінің көлемі 341 мың тоннаны, дизель отыны 405 мың тоннаны құрайды. Бұл көрсеткіштер бағаның тұрақтылығын сақтауға мүмкіндік береді.

Бензин Бензин бағасы Үкімет