Энергетика министрлігі КҚК толық тоқтайды деген ақпаратты жоққа шығарды

Астана, NEGE. Министрліктің ресми өкілі Әсел Серікпаеваның хабарлауынша, мұндай сценарий қарастырылып отырған жоқ.

31 шілдеде КҚК мұнай құбырының жұмысын уақытша тоқтатқан. Соған қарамастан, жүк жөнелтушілерден мұнай қабылдау және резервуарлар паркін толтыру жұмыстары жалғасып жатыр.

1 тамыздан бастап консорциум тәулігіне 100 мың тонна мұнай қабылдайды. Мұнай тасымалдау көлемінің одан әрі ұлғаюы теңіз терминалында танкерлердің тиеуге уақтылы қойылуына байланысты болады.

Энергетика министрлігі КҚК және жүк жөнелтушілермен тұрақты байланыста екенін мәлімдеді. Қазіргі жағдай министрліктің бақылауында.

Бұған дейін Қазақстанның Сыртқы істер министрлігі 17 және 19 шілдеде Қара теңізде Каспий құбыры консорциумы арқылы мұнайды заңды түрде тасымалдауға тартылған азаматтық кемелерге ұшқышсыз ұшу аппараттарының жасаған шабуылдарын қатаң айыптайды.