Ендігі қысқы Олимпиада Италияның 2 қаласында өтеді
Бүгін Бейжіңдегі XXIV Қысқы Олимпиада ойындары аяқталды. Енді 2026 жылғы Ақ Олимпиада Италияның Милан және Кортина-д'Ампеццо қалаларында өтеді, деп хабарлайды ҚазАқпарат.
Алматы. NEGE. Ол туралы Халықаралық Олимпиада комитетінің 134-ші сессиясында белгілі болды. Қысқы ойындардың астанасы ХОК мүшелерінің дауыс беруі арқылы анықталған. Сол тұста 2026 жылғы Қысқы Олимпиаданы өткізуге Италияның Милан және Кортина-д'Ампеццо қалаларынан бөлек, Стокгольм мен Оре үміткер атанған еді.
Алғашында 2026 жылғы Олимпиаданы өткізуге жеті қала үмітті болған. Финалдық кезеңге дейін екі үміткер қалды. Нәтижесінде Италия жеңіске жетті.
2026 жылғы Олимпиада ойындарының ашылуы 6 ақпанға жоспарланған.
Бүгін Бейжің Олимпиадасының жабылу рәсімінен кейін Олимпиада эстафетасын Бейжіңнен 25-кезекті ойындар өтетін Италияның Милан және Кортина-д’Ампеццо қалалары қабылдап алады.
Естеріңізге сала кетейік, Бейжің Олимпиадасы 4 ақпанда басталып, 20 ақпанда өз мәресіне жетті.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
