Енді колледжге түскісі келетін талапкер 4 мамандық таңдай алады
Техникалық және кәсіптік білім беру бағытында колледжге түскісі келетін талапкерлерге бірнеше мамандықты таңдау мүмкіндігі беріледі.
Алматы, NEGE. Бұл туралы Техникалық және кәсіптік білім беру департаментінің директоры Насымжан Оспанова мәлімдеді. Министрлік өкілінің айтуынша, биыл колледждерге құжат қабылдау 20 маусымнан басталады. Осы жылы кәсіпорындардың мақсатты тапсырысы бойынша 10 мыңнан астам талапкерді қамту жоспарда бар. Әр талапкерге 4 мамандық пен 4 колледжді таңдауға мүмкіндік беріледі. Педагогикалық мамандықтарға түсу үшін 4 балға дейін шекті балл және эссе жазу талабы қойылған.
