Енді қазақстандықтарға екі немесе одан да көп жерде жұмыс істеуге тыйым салынады
Мұны мәжіліс алаңында Еңбек және халықты әлеуметтік қорғау вице-министрі Олжас Анафин мәлімдеді.
Алматы, NEGE. Айтуынша, екіі немесе одан да көп тұрақты жұмыс орны бар қазақстандықтар тергеуге алынады.
«Еңбек кодексіне сәйкес, бір жұмыс орнында ғана толық жұмыс күнімен жұмыс істеуге рұқсат етіледі. Біз мұндай жағдайлардың алдын алу үшін бюджеттік салада тиісті шаралар қабылдап жатырмыз», – деді вице-министр.
Жұмыспен қамту деректері бірыңғай еңбек кітапшалары жүйесі арқылы талданатынын түсіндірді.
«Әзірше біз тек мемлекеттік органдарды бақылап жатырмыз. Біздің мәлімет бойынша, екі немесе одан да көп мекемеде ресми түрде тұрақты жұмыс істейтін қызметкерлер бар. Бұл жағдайлар еңбек инспекциясына хабарланады», – деді О.Анафин.
