Дәмхана, мейрамханалардың қызмет көрсеткені үшін пайыз алуына тыйым салынады
Енді даяшының «қызметі үшін» ақша бергісі келе ме, жоқ па, келуші өзі шешеді.
Алматы, NEGE. Сауда министрі Арман Шаққалиев мекемелерге барған кезде көрсетілген қызметке мәжбүрлі түрде пайыз алуға тыйым салатын түзетулердің әзірленіп жатқанын айтты.
Қазір барлық дәмхана мен мейрамхана тұтынушылардан қызмет көрсеткені үшін 10% ақы алады.
«Олар қызмет көрсеткені үшін 10% ақы алады. Егер бұл сома қызмет құнына қосылып қойған болса, неге екі рет төлеу керек?», - деді министр.
Министр түзетулер қазан айына дейін қабылданатынын жеткізді.
