Енді ата-аналар баласының қанша уақыт TikTok қарайтынын бақылай алады
Бұл туралы Мәдениет және ақпарат министрі Аида Балаева айтты.
Алматы, NEGE. «Платформа жасөспірімдер үшін қауіпсіз онлайн кеңістік құруға және ата-аналарға балаларының TikTok-тағы белсенділігін басқаруға көмектесетін жаңа мүмкіндіктерді іске қосқанын хабарлайды. Жасөспірімдерге қосымшаны шектеуге мүмкіндік беретін жаңа функцияны енгізуді жоспарлап отыр. Сондай-ақ сағат 22:00-ден кейін тынығуға көмектесетін жаңа мүмкіндікті іске қоспақ», – деп жазды министр.
Сонымен қатар TikTok-та «Демалыс» деген жаңа функция қосылды. Ол қосымшаны белгілі бір уақытқа бұғаттауға мүмкіндік береді.
Енді ата-аналар:
– Балаларына TikTok-ты шектеу уақытын белгілей алады.
– Цифрлы детокс үшін қайталанатын кестені орната алады.
– Шектеу қойылған уақыт аралығында жасөспірімнің TikTok-ты қолдану сұранысын қабылдай алады.
Оған қоса «Отбасылық баптаулардың» жаңа функциясы ата-аналарға балаларының аккаунты туралы толық ақпарат алуға мүмкіндік береді.
Министрдің айтуынша, алдағы уақытта жасөспірімдерге қауымдастық ережелеріне сәйкес келмейтін контент туралы ата-аналарына хабарлау мүмкіндігін қосу жоспарланып отыр.