Еңбекшіарал ауылының маңына қасақана от қойған адам ұсталды
Әлеуметтік желіде Еңбекшіарал ауылының маңайында өрт қойып жүрген адам түсірілген видео тараған болатын.
Алматы, NEGE. Алматы облысы Полиция департаменті бұл оқиғаның 6 қыркүйекте Жамбыл ауданы Еңбекшіарал кентінің маңында болғанын хабарлады.
Ағаштарды өртеп жіберген ер адам анықталып, аудандық полицияға жеткізілді. Ол 39 жастағы жергілікті тұрғын болып шықты.
Айта кету керек, жауап алу кезінде ұсталған адам өз әрекеттерін түсіндіре алмады, өйткені өртеу кезінде ол мас болған. Ер адамға қатысты ҚР ӘҚБтК-нің 505-бабы бойынша әкімшілік хаттама толтырылды.