«Еңбек сіңірген геолог» наградасына мемлекеттік мәртебе беріледі
«Еңбек сіңірген геолог» ведомстволық наградасына мемлекеттік мәртебе берілмек. Бұл туралы Үкімет отырысында Өнеркәсіп және құрылыс министрі Қанат Шарлапаев айтты.
Алматы, NEGE. – Геолог мамандығын дәріптеу бойынша жұмыстар белсенді атқарылып жатыр. «Еңбек сіңірген геолог» ведомстволық наградасын мемлекеттік награда мәртебесіне көтеру жоспарланған. Бүгінгі күні заңнамалық түзетулер пысықталуда, – деді министр.
Қанат Шарлапаевтың дерегінше, геология мамандығы бойынша түлектер санының өсуі байқалады. 2022 жылы тек 1 224 түлек бітірсе, 2024 жылы үш мыңнан астам маман бітірді.
– Бұл ретте, Сәтбаев университетінің деректері бойынша-, түлектердің 98 пайызы мамандық бойынша жұмысқа орналасқанын атап өткен жөн. Сонымен бірге, оқушыларды геология саласына баулу мақсатында «Жас геолог» қоғамдық қоры құрылған. Бұл қор ұйымдастыратын «Жас геолог» олимпиадасына жыл сайын 5 ел оқушылары қатысады. Жұмыс нәтижелерінің бірі ретінде Қазақстандық оқушылардың халықаралық геологтар олимпиадасында жүлделі орындар иеленді. Осылайша, саладағы адам капиталын дамыту бойынша жүйелі жұмыстар жүргізіліп жатыр, - деді ол.
