Эмомали Рахмон коронавирусты қалай жеңді?
Тәжікстан президенті Эмомали Рахмон биылғы халыққа жолдауында «коронавирусты түбегейлі жеңдік» деп, айды аспанға бір-ақ шығарды. Бұл туралы РИА Новости хабарлады.
Алматы, NEGE. «Тәжікстанда қазір коронавирус жоқ. Біз оның толықтай көзін жойдық», – деді Э.Рахмон.
Сөйтті де, халықты қауіпсіздік шараларын сақтауға шақырды. «Босаңсуға болмайды. Жеке бастың және қоғамның тазалығын сақтайық», – деді ол.
Президенттің айтуынша, өткен жылы коронавируспен күреске 1,6 млрд сомони (60 млрд теңгеге жуық) бөлініп, елде шұғыл түрде 30 жаңа аурухана салыныпты.
Ресми деректерге қарағанда, Тәжікстанда 13 мың адам вирустан жазылып, 90 адам қайтыс болған.
