Эммануэль Макрон Telegram мессенджерінің негізін қалаушы Дуровтың ұсталуына қатысты мәлімдеме жасады
Франция президенті Эммануэль Макрон Telegram мессенджерінің негізін қалаушы Павел Дуровтың ұсталуына қатысты мәлімдеме жасады.
Алматы, NEGE. Макрон өзінің Х әлеуметтік желісіндегі парақшасында жазба жариялады.
– Мен Павел Дуров қамауға алынғаннан кейін Франция туралы жалған ақпаратты оқып жатырмын. Франция сөз және коммуникация еркіндігіне, инновация мен кәсіпкерлікке бұрынғыдан да көбірек еркіндік берген. Солай болып қала береді.
Заң үстемдігі жағдайында, нақты өмірдегі сияқты әлеуметтік желілерде азаматтарды қорғау және олардың негізгі құқықтарын сақтау үшін бостандықтар заңмен белгіленген шеңберде жүзеге асырылады. Францияда Telegram басшысын қамауға алу – жүргізіліп жатқан сот тергеуі аясында орын алды. Бұл саяси шешім емес. Шешімді судьялар қабылдайды, – деп жазды Макрон.
