22 Маусым 16:28
Емхана директоры қызметкерлерден ақша бопсалап келген
Атыраудағы номері төртінші емхананың директоры қол астындағылардан заңсыз ақша талап етіп келген. Құныққан басшы қызметкерлеріне сыйақы жазып, кейін оны тиынына дейін санап өзі алады екен.
Алматы, NEGE. Өкініштісі сол, бұл жағдай көптен бері қайталанып келген көрінеді. Таяуда ғана сыбайлас жемқорлыққа қарсы қызмет мамандары емдеу орынының жұмысына араласқан соң ғана былықтың беті ашылды. Облыстық сыбайлас жемқорлыққа қарсы іс-қимыл департаменті басшысының бірінші орынбасары Айдос Мамыт: "Бүгінде емхана басшысына қатысты ҚР ҚК 362-бабы, яғни қызмет бабын асыра пайдаланғаны үшін сотқа дейінгі тергеп-тексеру амалдары басталды. Басқа ақпарат қылмыстық кодекстің 201-бабына сәйкес жариялауға жатпайды" деді.
