Елордалық дәрігерлер көше кезіп жүр
Аты жаман дерт басталғалы тыным көрмеген елордалық дәрігерлер панасыз қалды.
Нұр-Сұлтан, NEGE. Бас-аяғы 500-ге жуық медицина қызметкері алдымен «Думан», кейіннен «Рамада Плаза» қонақ үйінде тұрып келген. 16-17 маусым күндері «Нұрсұлтан қаласы қоғамдық денсаулық сақтау басқармасының» бұйрығымен оларды қонақ үйден шығарған.
Науқастармен тікелей қарым-қатынас жасайтын дәрігерлердің бір бөлігі қоғамдық көліктермен үйлеріне қайтса, бір бөлігі киім салған сөмкесін сүйреп, көшеде жүр. Nege.kz тілшісі олармен тікелей байланысқа шықты. Өздерінің атын атамауды өтінген медицина қызметкерлері: «Бізді ешқандай конақ үй қабылдамай жатыр. Медиктерден бәрі қорқады. Үйімізге қайту отбасымыз үшін де қауіпті екенін білеміз», – деді.
Бүгінге дейін арнайы тасымалдаушы автобуспен қонақ үйлеріне барып жүрген медибкелер енді қоғамдық көлікпен қатынап, өз үйлерінде тұруға мәжбүр.
Рысбек Арапхан