Елордалық ҚХА қазақстандықтарды Наурыз мерекесімен құттықтады

Алматы, NEGE. Іс-шара алаңында бес киіз үй тігіліп, олардың әрқайсысы белгілі бір этномәдени бірлестікке арналды.

Наурыз – тарихы тереңде жатқан, жаңару мен жасару мерекесі. Біздің халқымыз оны ұлы күн деп бекер айтпаған. Наурызнамның онкүндігі аясында біз Қазақстан халқы ассамблеясының, этномәдени бірлестіктердің өкілдерін, елшіліктердің дипломаттарын, сондай-ақ қала қонақтарын көктемгі күн мен түннің теңелу мерекесін бірге атап өтуге шақырдық. Елорда әкімдігінің атынан жыл сайын мұқтаж, көпбалалы, әлеуметтік аз қамтылған отбасыларға, ерекше балаларға үлкен көмек көрсететін Қазақстан халқы ассамблеясының қалалық меценаттарын марапаттау рәсімі өтті, – деп атап өтті Астана ҚХА Хатшылығының қызметкері Гүлнәр Тайгокова.

Қонақтар спорт ойындарына, оның ішінде бұқа тартыс, асық ату, қазақша күрес, қол күрес, гір көтеру ойындарына қатысты. Сондай-ақ, көрермендер елордалық этномәдени бірлестіктердің экспозицияларына барып, этностардың мәдениетімен, дәстүрлерімен және ұлттық тағамдарымен танысты.

Мысалы, «Юнчи» дүнген орталығы қалыңдықтың шаш үлгісінің құпиялары туралы айтып берді, Әзербайжан және түрік этно бірлестіктерінің киіз үйінде қолданбалы өнер бойынша мастер-класс өтті, онда қынамен сурет салу көрсетілді. Екі халықтың ұлттық тағамдары да ұсынылды.