Елордадағы түнгі клубта есірткі сатушы ұсталды
Елордадағы түнгі клубта есірткі сатушы ұсталды, деп хабарлайды Polisia.kz.
Алматы, NEGE. Елордалық полицейлер түнгі клубта есірткі саудалайтын ер адамды ұстады, оның қалтасынан 4 полиэтилен түйіншегі табылып, тәркіленді.
31 жастағы ер адамның синтетикалық есірткіні сатумен айналысқаны анықталды. Әріқарай есірткі сатушының тұрғылықты жерін тінту барысында есірткіні буып-түю және орау үшін қажетті материалдар, сондай-ақ салмағы 3,7 грамм болатын мефедрон табылды.
Есірткі заттарын өткізгені үшін қылмыстық іс қозғалды. Бұл қылмыс мүлкі тәркіленіп, 6 жылдан 12 жылға дейін бас бостандығынан айыру түрінде жазаланады.
Ұсталған ер адам уақытша ұстау изоляторына қамалды.