Елордадағы Наурыз мерекесі: ЭКСПО алаңында мерекелік жәрмеңке өтіп жатыр
Елордада осы күндері Наурыз мейрамына орай мерекелік жәрмеңке өтіп жатыр, – деп хабарлады қала әкімдігінің ресми сайты.
Алматы, NEGE. Наурыз мейрамын тойлауға орай ЭКСПО халықаралық көрме орталығында жәрмеңке ұйымдастырылып, оған еліміздің әр өңірінен 100 тоннадан астам азық-түлік өнімдері қойылды. Мұнда жаңа піскен көкөністер мен жемістерді, ет және сүт өнімдерін, шығыс тәттілерін, бауырсақтарды және басқа да тәттілерді табуға болады. Азық-түлік жәрмеңкесіне 50-ден астам кәсіпкер қатысып жатыр.
Олардың арасында гастрономиялық өнімдерді өндірушілер де бар.
«Мерекелік жәрмеңкеге ұлттық өнімдеріміз – қымыз бен саумалдан жасалған балмұздақты ұсыну үшін Абай ауданынан келдік. Жұрт көріп таңғалды әрі мұндай ерекше өнімдерге қызығушылық танытып жатыр», – деді қатысушылардың бірі Айдын Серікқазин.
Жәрменкеде азық-түлік өнімдерінен бөлек, қазақ мәдениетінен сыр шертетін түрлі атрибуттар қойылған. Жәрмеңкенің тағы бір бөлігі ұлттық киімдер, кәдесыйлар, картиналар, ыдыс-аяқтар, тұрмыстық заттар, төсек-орын жабдықтары және т.б. бар.
