Елордада жұмыссыздық деңгейі 6%-ға дейін өсуі мүмкін
Нұр-Сұлтанда жұмыссыздық деңгейі 4,6% -дан 6% дейін өсуі мүмкін, деп мәлім
деді «Нұр-Сұлтан қаласы халықты жұмыспен қамту орталығының» жұмысқа орналастыруға ықпал ету бөлімінің басшысы Азамат Байтасов.
Алматы, NEGE. «Карантин басталғалы жұмысынан айрылған азаматтар саны барынша артты. Бүгінгі таңда Нұр-Сұлтанда жұмыссыздық деңгейі 4,6% құрап отыр. Жұмыссыз азаматтар саны 6% дейін өсуі мүмкін деп болжануда. Егер нақтырақ айтсақ, бүгінде 83 жұмыс беруші 867 адамның қысқартылатыны туралы хабардар етті. Қазірдің өзінде оның 266-сы қысқартылды», - деді Байтасов дүйсенбіде.
Өз кезегінде «Нұр-Сұлтан қаласының халықты жұмыспен қамту орталығы» КМБ директоры Бақытбек Қабжанов жұмыспен қамту орталығының есебінде 3,8 мыңнан астам адамның тұрғанын айтты.