Елордада ауа райына байланысты ескерту жарияланды
Ауа райының бұзылуына байланысты елордада ескерту жарияланды.
Нұр-Сұлтан, NEGE. Нұр-Сұлтан қаласының төтенше жағдайлар департаменті 5 сәуір күні шаһарда қалың тұман түсіп, көктайғақ болатынын ескертеді. «Қазгидромет» РМК дерегіне сенсек, циклон солтүстік-шығысқа ығысып, ел аумағының басым бөлігіне ықпалын тигізеді. Кей жерлерде жауын-шашын жауады. Солтүстік-батыста – жаяу бұрқасын, оңтүстік-батыста – шаңды дауыл соғады, оңтүстікте және оңтүстік-шығыста найзағай жарқылдайды.