Елордада Әлемдік және дәстүрлі діндер көшбасшыларының VII съезі басталды
Нұр-Сұлтанда Әлемдік және дәстүрлі діндер көшбасшыларының VII съезі ашылды. Оған Президент Қасым-Жомарт Тоқаев пен Рим Папасы Франциск қатысады.
Алматы, NEGE. VII съездің басты тақырыбы – "Пандемиядан кейінгі кезеңдегі әлемдік және дәстүрлі діндер көшбасшыларының адамзаттың рухани және әлеуметтік дамуындағы рөлі".
Форумның секциялық отырыстары форматында ұсынылған бірқатар өзекті тақырыптық блокты қарастыру жоспарланған.
Рим Папасының съезд кезіндегі ресми сапары барысында Рим - Католик шіркеуінің латын салтындағы негізгі литургиялық қызмет - ауқымды діни масса өткізуі күтіледі. Массаға кез келген дін мен конфессия өкілдері бара алады.