Елордада шаштараз құралдарын ұрлап кеткен ер адам ұсталды
Елордада шаштараз құралдарын ұрлаған ер адам ұсталды, деп хабарлайды Polisia.kz.
Алматы, NEGE. Елордадағы сұлулық салонында болған ұрлық әрекеті бейнебақылау камераларына түсіп қалған.
Оқиға барысында 30 жастағы ер адам мас күйінде саунадан шығып, жоғары қабаттағы сұлулық салонына кіріп, шаштараз құралдарын ұрлап кеткен.
Құқық қорғау органдарының мәліметінше, азамат шаштараз бөлмесінің есігі ашық тұрғанын байқап, сол сәтте қылмыс жасауға бел буған. Ол шаш кептіргіш пен шаш қиюға арналған машинаны ұрлап, материалдық залал келтірген. Байқоңыр ауданының криминалдық полиция қызметкерлері жедел-іздестіру шаралары барысында күдіктіні анықтап, ұстады.
Ұрлық дерегі бойынша қылмыстық іс қозғалды.