8 Желтоқсан 09:41
...
Елордада Cinema City кинотеатрының ғимаратынан өрт шықты
Астанада бұрынғы Cinema City кинотеатрының ғимараты өртенді.
Астана, NEGE. Төтенше жағдайлар министрлігінің хабарлауынша, елордалық өрт сөндірушілер Байқоңыр ауданында Амангелді Иманов көшесінде орналасқан жеке тұрған бір қабатты павильонда шыққан өртті сөндірді.
Оқиға орнында құтқарушылар жоғары дәрежелі шақырту бойынша жұмыс істеген.
«Нақтыланған мәліметтер бойынша, Байқоңыр ауданындағы Амангелді Иманов көшесінде орналасқан жұмыс істемейтін үш қабатты ғимаратта дәмхана мен ғимараттың сыртқы қаптамасының жануы тіркелді. Жылу әсерінен жанында тұрған жүк көлігі зақымданды», – делінген ТЖМ хабарламасында.
Зардап шеккендер туралы ақпарат жоқ.
