Елордада тазалық күніне орай экологиялық сенбілік акциясы өтті
Бүгін – бүкіл әлемде Дүниежүзілік тазалық күні (World Cleanup Day). Қазақстан да бұл іс шарадан бей-жай емес
Астана, NEGE. Сенбілікке ҚР Мәдениет және ақпарат министрлігінің қызметкерлері, республикалық жастар және волонтерлік ұйымдардың өкілдері қатысты. Дәлірек айтқанда, Талдыкөл қалалық жағажайында «Көлді аяла» экологиялық акциясы өтті. Іс-шараны «Birgemiz:Taza Alem» жалпыұлттық жобасы шеңберінде Қазақстан Республикасы Мәдениет және ақпарат министрлігінің қолдауымен «Әлеуметтік жобалар қоры» корпоративтік қоры ұйымдастырды.Акция аясында Талдыкөл қалалық жағажайында 100-ге тарта адамның қатысуымен бір тоннаға жуық қоқыс жиналды.
