Елорда мен Алматы арасында төрт қосымша пойыз жүреді
Бүгін Алматы мен Нұр-Сұлтан қалалары арасында тағы төрт қосымша коммерциялық пойыз іске қосылады, деп хабарлайды «Жолаушылар тасымалы» АҚ-ның баспасөз қызметі.
Алматы, NEGE. Бүгін елорданың Нұрсұлтан -1 стансасынан № 204/203 пойызы Алматыға сағат 18.55-те жөнелтіледі. Пойыз Алматыға ертең (11 қаңтар) сағат 16.31-де келеді.
Сондай-ақ, бүгін Нұр-Сұлтан-1 стансасынан Алматы-2 стансасына дейін №220/219 пойызы сағат 19.40-та жөнелтіледі. Пойыз Алматыға ертең (11 қаңтар) сағат 18.25-те келеді.
Бүгін Алматыдан елордаға қарай екі коммерциялық пойыз жолға шығады.
«Алматы-2 – Нұр-Сұлтан Нұрлы жол» (Тальго) бағытындағы №207/208 пойызы Алматы-2 стансасынан 19 сағат 20 минутта жолға шығады.
«Алматы-2 – Нұр-Сұлтан-1» бағытындағы №205/206 пойызы 22 сағат 25 минутта жөнелтіледі. Пойыз елордаға ертең 19 сағат 13 минутта келеді. Дәл осы пойыз Алматыға 11 қаңтарда 23 сағат 43 минутта жөнелтіледі.
Жолаушы тасымалы компаниясының мәлімдеуінше, елімізде пойыздардың қозғалысы қалпына келтірілген. Барлық жолаушылар пойыздары кесте бойынша жүреді.