Елорда мен 12 қалада ауа сапасы нашарлайды
«Қазгидромет» РМК 21 ақпанда еліміз қалаларында ауа сапасы қандай болатынын мәлім етті.
Алматы, NEGE. Синоптиктер мәліметіне сүйенсек, дүйсенбі күні қолайсыз метеорологиялық жағдайлар Нұр-Сұлтан, Алматы, Шымкент, Ақтау, Атырау, Балқаш, Жезқазған, Қарағанды, Теміртау, Павлодар және Өскемен (2-дәрежелі), Семей (2-дәрежелі), Риддер (2-дәрежелі) қалаларында күтіледі. Қолайсыз метеорологиялық жағдайлар – атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.