Елорадада 3 жасар бала 13-қабаттан құлады
Қайғылы оқиға кезінде баланың анасы үйде болған, деп хабарлайды Нұр-Сұлтан қаласы полиция департаментінің баспасөз қызметі.
Алматы, NEGE. «5 шілде күні кешкі сағат 21:57-де көпқабатты тұрғын үйдің 13-қабатынан 3 жасар қыз дүкеннің күнқағарына (козырек) құлады. Алған жарақаттан сәби оқиға орнында мерт болды. Оқыс оқиға кезінде баланың анасы үйде болған», - делінген қалалық полиция департаменті таратқан хабарламада.
Елорданың ювеналды полиция инспекторлары балалардың көпқабатты үйлердің терезесінен құлап кету фактілеріне жол бермеу мақсатында тұрғындар арасында түсіндіру және профилактикалық жұмыстарды жиі өткізіп тұрады.
«Жазатайым оқиғалардың дені ата-аналардың балалардың қауіпсіздігіне немқұрайлы қарауымен байланысты. Бала ересектердің назарынан тыс қалып, терезе ашық қалған жағдайда құлау қаупі жоғары», - дейді ведомстводан.