Еліміздің үш облысында жолдар жабылды
Қар көшкіні мен су тасқыны қаупіне байланысты еліміздің үш облысында жол қозғалысына шектеу қойылды. Бұл туралы Қазавтожол мәлімдеді.
Алматы, NEGE. Қарағанды облысында еріген судың тасуынан және көліктердің қозғалысына қауіп төну салдарынан «Қызылорда — Павлодар» тас жолының 788-906 шақырымында (Ұлытау облысының шекарасы — Топар ауылы учаскесі) барлық көлік түрлеріне қозғалыс шектелді.
Ұлытау облысында еріген судың тасуынан және көліктердің қозғалысына қауіп төну салдарынан «Қызылорда-Павлодар» тас жолының 758-788 шақырымында (Жаңаарқа-Қарағанды облысының шекарасы учаскесі) барлық көлік түрлеріне қозғалыс шектелді.
Сондай-ақ, қар көшкініне байланысты «Өскемен — Алтай — Үлкен Нарын — Катонқарағай» тас жолының 6-166 шақырымында (Ушановское ауылы-Алтай учаскесі) барлық көлік түрлеріне қозғалыс шектелді.
«Өскемен — Алтай — Үлкен Нарын — Катонқарағай» тас жолының 420-450 шақырымында (Берел ауылы-Рахман қайнары) барлық көлік түрлеріне қозғалыс шектелді.