Еліміздің бірқатар өңірінде күн жылынады
Қазгидромет алдағы 3 тәулікке арналған ауа райы болжамын жариялады.
Алматы, NEGE. Синоптиктердің болжамынша, күннің жылынуына қарамастан Қазақстанның басым бөлігінде Атлантикалық циклонның ықпалымен жаңбыр мен қар жауады, көктайғақ болып, тұман түседі.
«Қазақстанның басым бөлігінде Атлантикалық циклонның ықпалы байқалады. Жаңбыр жауып, қар түседі, көктайғақ болады және тұман түседі. 1 қарашада республиканың батысында қатты жаңбыр жауады, еліміздің батысында, солтүстік-батысында және солтүстігінде жел күшейеді. Күндіз ауа температурасы көтеріледі. Елдің батысында +12+17°С, солтүстік-батыста және солтүстікте +7+15°С, солтүстікте, шығыста және орталықта +4+9°С, оңтүстікте және оңтүстік-шығыста +12+17°С, ал таулы аймақтарда +3+8°С жылы болады», — деді Қазгидромет.
