Еліміздің бірқатар өңірінде ертеңге дейін жолдар жабылды

Астана, NEGE. Бұл жөнінде «ҚазАвтоЖол» ұлттық компаниясы хабарлады.

Ақтөбе облысында:

• 8 наурыз сағат 11:30-да ауа райының бұзылуына байланысты республикалық маңызы бар «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының 776-965 шақырым аралығында (Ақтөбе қаласы – Қарабұтақ кенті) жүк және қоғамдық көліктердің қозғалысына шектеу қойылды. Жолды 9 наурыз сағат 09:00-де ашу жоспарланған;
• сағат 12:00-де республикалық маңызы бар «Ақтөбе – РФ шекарасы (Әлімбет БӨП)» автожолының 39-136 шақырымы аралығында (Ш. Қалдаяқов елді мекенінен Әлімбет шекаралық өткізу пунктіне дейін) барлық көлік түрлеріне шектеу енгізілді. Жол 9 наурыз сағат 09:00-де ашылады деп жоспарлануда;
• сағат 13:30-да республикалық маңызы бар «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының 0-77 шақырым аралығындағы учаскесінде (Жайсан өткізу пункінен «Эко Ойл» жанармай құю станциясына дейін) барлық көлік түрлеріне шектеу енгізілді. Жолды ертең сағат 09:00-де ашу жоспарланған;
• сағат 13:50-де республикалық маңызы бар «Атырау – РФ шекарасы (ө/п Курмангазы) 11–104 шақырым аралығындағы учаскесінде (Ақтөбе қаласынан – Қандыағаш қаласына дейін) жүк және қоғамдық автокөліктердің қозғалысына шектеу енгізілді. Жолды 9 наурыз сағат 09:00-де ашу жоспарланған;
•  сағат 14:00-де Қостанай – Рудный – Денисовка – Комсомольское – Қарабұтақ» автожолының 5-234 шақырым аралығында (Қарабутак кенті – Қостанай облысының шекарасы) жүк және қоғамдық автокөліктердің қозғалысына шектеу енгізілді. Жол ертең сағат 09:00-де ашылады деп жоспарланып отыр;
• сондай-ақ  сағат 14:00-де Ақтөбе – Орал – РФ шекарасы» автожолының 526 – 702 шақырым аралығында (Маржанбұлақ кенті – Батыс Қазақстан облысының шекарасы) жүк және қоғамдық көліктер үшін қозғалысқа шектеу енгізілді. Шектеу ертеңге сағат 09:00-ге дейін енгізілді.

Ақмола облысында:

• сағат 12:40-та ауа райының бұзылуына байланысты республикалық маңызы бар «Астана – Қарағанды – Алматы» автожолының 30 – 92 шақырым аралығында (Жібек жолы ауылы – Қарағанды облысының шекарасы) жүк және қоғамдық көліктер үшін қозғалысқа шектеу енгізілді. Жолды 8 наурыз сағат 17:00-де ашу жоспарланған;

Батыс Қазақстан облысында:

• 14:00-де республикалық маңызы бар «Ақтөбе – Орал – РФ шекарасы» 393-526 шақырым аралығындағы бөлігінде (Жымпиты ауылы – Ақтөбе облысы шекарасы) жүк және қоғамдық көліктер үшін қозғалысқа шектеу енгізілді. Жол 9 наурыз сағат 09:00-де ашылмақ;
• 14:15-те республикалық маңызы бар «Ақтөбе – Орал – РФ шекарасы» 610-710 шақырым аралығындағы учаскесінде (Құрашасай ауылы – Қобда ауылы) барлық көлік түрлеріне шектеу енгізіледі. Жолды 9 наурыз сағат 09:00-де ашу жоспарланған.

Қостанай облысы:

•  сағат 14:00-де ауа райының бұзылуына байланысты республикалық маңызы бар «Қостанай – Рудный – Денисовка – Комсомольское – Қарабұтақ» автожолының 234-385 шақырым аралығындағы (Ақтөбе облысының шекарасы – Денисовка кенті) учаскесінде және «Қостанай – Әулиекөл – Сұрған» автожолының 8-108 шақырым аралығында (Тобыл қаласы – Әулиекөл кенті) жүк және қоғамдық автокөліктердің қозғалысына шектеу енгізілді. Жолды 9 наурыз сағат 08:00-де ашу жоспарланған.
• сағат 15:00-де республикалық маңызы бар «Қостанай – Әулиекөл – Сұрған» автожолының 108-218 шақырым аралығында (Әулиекөл елді мекенінен Октябрьский елді мекеніне дейін) жүк және қоғамдық көліктердің қозғалысына уақытша шектеу қойылды. Жолды 9 наурыз сағат 08:00-де ашу жоспарланған.