Еліміздің басым бөлігінде ауа райы құбылмалы болады: жауын-шашын, найзағай, жел және аптап ыстық күтілуде
22 маусым, жексенбі күні Қазақстан аумағында ауа райы күрт өзгеріп, құбылмалы сипатта болады."Қазгидромет" мамандарының хабарлауынша, көптеген өңірлерде жаңбыр жауып, найзағай ойнайды.
АЛМАТЫ, NEGE. Кейбір аймақтарда бұршақ жаууы мүмкін. Мұндай құбылыстар әсіресе батыс, солтүстік-батыс және солтүстік өңірлерде жиі тіркеледі.
Сонымен қатар, солтүстік пен оңтүстік облыстарда шаңды дауыл көтеріліп, желдің күшеюі күтіледі.
Құрғақ әрі ыстық ауа райына байланысты бірнеше облыста өрт шығу қаупі жоғары. Бұл қауіп:
Алматы, Жамбыл, Қызылорда, Түркістан, Қарағанды, Ұлытау, Ақтөбе, Атырау, Маңғыстау, Қостанай, Жетісу, Абай және Шығыс Қазақстан облыстарының бірқатар аудандарында сақталады.
Ауа температурасы бірқатар өңірде аптап ыстық деңгейіне жетеді:
Қызылорда облысында күн +40°C-қа дейін ысиды;
Жетісу облысында ауа температурасы +36°C-қа жетеді;
Ұлытау, Абай және Шығыс Қазақстан облыстарында +35°C ыстық күтіледі.
Ірі қалалардағы ауа райы:
Астана қаласы – жаңбырлы, найзағайлы. Ауа температурасы +25...+27°C шамасында.
Алматы қаласы – күн ала бұлтты, +30...+32°C.
Шымкент қаласы – күн ашық, ыстық болады. Ауа температурасы +35...+37°C.
Қазір оқып жатыр
Туды қандай жағдайда пайдалануға рұқсат етіледі: Мәдениет министрлігі түсіндірді
Джеки Чан Қазақстанда жаңа фильмінің түсірілімін бастады
Арыс әкімі ұлының қатысуымен болған жантүршігерлік жол апатына қатысты пікір білдірді
Данияр Елеусінов 20 тәулікке қамауға алынып, 7 жылға көлік жүргізу құқығанын айырылды
