Еліміздегі мейрамханалар мен дәмханалардың иелері ауызашар мәзірінің бағасын қымбаттатып жіберген – ҚМДБ
ҚМДБ мейрамхана, дәмхана қожайындарын халыққа қолжетімді қарапайым ауызашар мәзірін ұсынуға шақырды. Айтуларынша, қасиетті айда ауызашар мәзірінің бағасы шарықтап кеткен.
Алматы, NEGE. Мүфтият мекемелерді бюджеттік ас мәзірін ұсынуға шақырды.
«Өкінішке қарай, соңғы кездері еліміздегі бірқатар мейрамхана, кафелер мен дәмханалардың иелері ауызашар мәзірінің бағасын өте жоғары ұсынып, халық арасында түсінбеушіліктің туындауына себепші болуда.
Асыл дініміз ауызашар дастарқанында ас та төк ысырапқа жол беруге, дастарқан жасауда бәсекелесуді құптамайды. Ондай әрекет сауапқа емес күнәға жетелейді. Ауызашар дастарқаны қарапайымдылыққа негізделуі тиіс. Қасиетті Құранда: «... ішіңдер, жеңдер, алайда ысырапқа жол бермеңдер. Өйткені Алла ысырап етушілерді жақсы көрмейді» делінген («Ағраф» сүресі, 31-аят).
Қазақстан мұсылмандары діни басқармасы мейрамхана, кафелер мен тамақтану орындарының иелеріне халыққа қолжетімді қарапайым ауызашар мәзірін ұсынуға шақырады», – делінген ҚМДБ хабарламасында.
Қазір оқып жатыр
Каспийдегі оқу-жаттығудан кейін аман қалып, ауруханаға түскен сарбаздың жағдайы белгілі болды
Қаза болған әскери қызметшілердің отбасыларына көмек жинайтын бірыңғай қор белгіленді
Каспий теңізінде суға кеткен екі сарбаздың денесі табылды: қаза болғандар саны 14-ке жетті
Алматыда бұрын сотталғандар өзін полиция қызметкері ретінде таныстырып, 3 млн теңге бопсалаған
