Елімізде 137 гидрологиялық бекет салынады

Алматы, NEGE. Бұл туралы Экология және табиғи ресурстар министрі Ерлан Нысанбаев мәлім етті.

«Көктемгі су тасқынының салдарын бәріңіз білесіз. Біз қазір Қазгидромет РМК дамыту туралы тұжырымдама әзірлеп жатырмыз. Бұл жерде бірінші мәселе гидрометеорологиялық бекеттерге келіп тіреледі. Қазір бізге 137 гидрологиялық бекет керек, оның 42-сі Су ресурстары және ирригация министрлігінің бағдарламасы аясында салынады. Бұл тасқын кезінде су айдындарындағы оның мөлшерін өлшеп, анықтауға мүмкін береді. Ашық айту керек бүгінде елімізде гидрологиялық бекеттер жетіспейді», - деді Ерлан Нысанбаев Мәжіліс отырысынан кейін өткен баспасөз мәслихатында.