Еліміздің бес облысында күн райына қатысты ескерту жасалды
18 ақпан күні Қазақстанның бес облысында күн райына байланысты ескерту жасалды, деп хабарлайды «Қазгидромет» РМК баспасөз қызметі.
Астана. NEGE. 18 ақпан түнінде Солтүстік Қазақстан облысының шығысында жаяу бұрқасын күтіледі. Облыстың оңтүстік-батысында тұман түседі. Түнде оңтүстік-батыстан соғатын жел екпіні облыстың оңтүстігінде, шығысында, күндіз басым бөлігінде 15-20 м/с дейін жетеді.
Петропавлда 18 ақпанда күндіз оңтүстік-батыстан соғатын желдің екпінінің 15-20 м/с жетуі ықтимал.
Батыс Қазақстан облысының солтүстік-шығысында, шығысында тұман күтіледі. Оңтүстік-шығыстан жел соғады, күндіз облыстың оңтүстігінде желдің екпіні 15-20 м/с дейін жетеді.
Оралда түнде және таңертең тұман түседі.
Түркістан облысының оңтүстігінде тұман болады. Шығыс, оңтүстік-шығыстан таулы аймақтарда жел 15-20 м/с дейін жетеді.
18 ақпанда күндіз Маңғыстау облысының батысында көктайғақ күтіледі.
Ақтауда күндіз көктайғақ күтіледі.
Солтүстік-батысында, Ақтөбе облысының орталығында тұман күтіледі. Оңтүстік, оңтүстік-шығыстан жел соғады, күндіз облыс орталығында жел екпіні 15 м/с дейін жетеді.
Ақтөбеде түнде және таңертең тұман түседі.
Еске салайық, синоптиктер болжамы бойынша 18 ақпанда Қазақстанның басым бөлігі антициклонның ықпалында болып, жауын-шашынсыз күн райы күтілуде. Республиканың тек оңтүстік-батысында және солтүстігінде атмосфералық ағындардың жылжуынан қар жауып, жаяу бұрқасын болады, оңтүстік-батыста жаңбыр мен қар жауып, көктайғақ болуы ықтимал.
